ՎՍՀ-ում Հայաստանի Հանրապետության դեսպան Վահրամ Կաժոյանի և Վիետնամի առևտրա-արդյունաբերական պալատի փոխնախագահ և Հո Չի Մին գլխավոր տնօրեն՝ պարոն Վո Տան Թհանի ) և Հո Չի Մին արտաքին կապերի վարչության տնօրեն Նգույեն Վան Տուանի միջև հանդիպում:

02 հունիսի, 2020

Հունիսի 1-3-ը ՎՍՀ-ում ՀՀ դեսպան Վահրամ Կաժոյանն այցելեց Հո Չի Մին քաղաք, ուր կայացան մի շարք պաշտոնական հանդիպումներ.

Հունիսի 2-ին ՎՍՀ-ում ՀՀ դեսպան Վահրամ Կաժոյանը հանդիպեց Վիետնամի առևտրա-արդյունաբերական պալատի (VCCI) փոխնախագահ և VCCI Հո Չի Մին գլխավոր տնօրեն՝ պարոն Վո Տան Թհանի և Հո Չի Մին արտաքին կապերի վարչության տնօրեն Նգույեն Վան Տուանի հետ:

Հանդիպմանը քննարկվեցին հայկական և Հո Չի Մինի գործարար շրջանակաների ուղիղ կապի հաստատման, ինչպես նաև հնարավոր համագործակցության ոլորտների հստակեցման վերաբերյալ հարցեր։

Դեսպան Վահրամ Կաժոյանը հրավիրեց VCCI Հո Չի Մինի տնօրինությանը մասնակցել Հայաստանում 2020-ին նախատեսված հայ-վիետնամական գործարար ֆորումին, ինչը թույլ կտա եկու կողմերի գործարարներին հաստատել ուղիղ կապեր։

Երկուստեք նշվեց երկու երկրների արտահանման ապրանքների և ծառայությունների արդի ցուցակներով փոխանակվելու կարևորությունը։ Գլխավոր տնօրենն ընդգծեց, որ պոստ-COVID19 իրադրությունում վիետնամական ընկերությունները կարիք ունեն նոր շուկաների բացման և ԵԱՏՄ-Վիետնամ ազատ առևտրի, ինչպես նաև վերջերս ստորագրված Զբոսաշրջության բնագավառում հայ-վիետնամական համագործակցության պայմանագրերը լավ հնարավորություններ են ընձեռում երկու երկրների առևտտրա-տնտեսական հարաբերությունները՝ քաղաքական հարաբերությունների գերազանց մակարդակին հասցնելու համար։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր